是咁的，作為機不離手的新世代，自然好難想像有一日會用唔到 Facebook,Whatsapp，什至冇咗部機用。
不過，好唔好彩，前幾日就因為部垃圾小米差唔到電攞咗整，而過咗冇手機嘅幾日。在此，我略略記述一下。
第一日，我發現垃圾小米差唔到電，用咗十五分鐘考慮機會成本後，決定咗攞部機去整，點知，FF自己作為宇宙最蛋嘅我，
就唔記得咗 Whatsapp 喺部將機到，送走咗佢，就等於冇咗 Whatsapp
，Wuar，就咁樣兒冇咗 Whatsapp 用啦。
返屋企嘅途中，我好自責。女神過兩日就飛，我竟然一句道別都講唔到
，女女過幾日就生日，我句生日快樂就石沉大海，又出唔到嚟同佢慶祝
，
不過，我深信：『天無絕人之路』，我一定有辦法，有辦法同佢地傾返計。瞓之前，我仍然咁樣安慰自己。就這樣，沒有 Whatsapp 的第一天完了。
第二日，一起身，嗰日立法會表決政改，睇住直播，見證住成班建制派離場，見證著 28:8 反對,見證住嫻姨姨嚇到個心都離一離，
之後睇返新聞，發現原來嫻姨姨冇 Whatsapp，所以冇離場，諗深一層，我咪同佢一樣？冇 Whatsapp，所以同唔到女女傾計，
有咩大事都冇我份，而我亦乜都唔知，呆咗咁坐喺屋企，對住個電視電腦 mom 無所事事，覺得自己好威威咁飛車？
Come On James，升中六了，成熟一點好嗎？要不是攞中 PZ 8904 行 48X 的話，早就完強了！
攞住部 PZ 8904 揸咗三轉後，已經是夜晚了。夜幕低垂，亦代表是時候睡了。就這樣，沒有 Whatsapp 的第二天完了。
第三日是要返學的。返到學，女女問我點解冇搵佢傾計，很想要吧？佢冇。喺佢眼中，我什麼都不是。唔 Whatsapp 佢，佢唔覺。
『什麼叫絕望 抬起眼望望』，我面對唔到。一返到屋企真係喊出嚟。喊咗三五個鐘，突然，閔大會議廳的警報引起我嘅注意，
我冇咗 Whatsapp 啫，仲有 Facebook 可以搵到佢地。『天無絕人之路』，果然冇錯。我即刻開 Facebook 搵佢，
但係。。。點解我移去佢個名到。。。係黑色撳唔到嘅？佢 block 咗我。究竟點解？點解佢要 Block 我？
我做錯咗啲咩？啫係而家完全冇辦法 Contact 到佢地
。『還不夠絕望 尚可更絕望』。最終都係冇，我什麼都不是。
呢一晚，我完全瞓唔著，成晚都諗緊我做錯啲咩，佢無啦啦做咩 Block 我？佢會唔會 Block 埋我 Whatsapp？
諗吓諗吓，沒有 Whatsapp 的第三天完了。
第四日，一起身就收到達保養公司嘅電話，話部機攞得返。我即刻狗衝去攞返。
個 Staff 同我講：系統問題，成部機重置晒。即係話，Whatsapp 紀錄全部冇晒，所有 data 亦都冇晒，
已經搵唔返當年嘅歡笑，『如同殘酷的將心劏開 讓我痛得崩潰的失愛』，這一刻，什麼都失去了。
我攜著彷彿失去靈魂的身驅回家。回家重新下載一次所有程式，過著疑似原來的生活，
口裡輕輕哼著：『終於知一去不返這個道理』。還真的很應景。
這數天，就是我人生中最難過的數天，沒有了 Whatsapp，真的對日常生活帶來諸多不便，同時亦為日常生活帶來絕望。
希望各位珍惜可以用 Whatsapp 或其他通訊程式的日子，以免未來不能用時，後悔莫及。
(1089字)
作者:潘娜@林歪歪星級中文團隊
內容 40/40
詞句 30/30
結構 20/20
字體/ 標點 10/10
總分 103/103
評級:5**
English
